Hindi raw nalalayo ang nararamdamang pressure ngayon ni 2013 Miss World at “Marimar” star Megan Young para sa kaniyang pagganap sa ikalawang Pinoy remake ng hit Mexican telenovela sa naramdaman niya noong lumalaban siya sa international pageant bilang kinatawan ng bansa dalawang taon na ang nakararaan. Ito ang kauna-unahang big project ng TV host and actress mula nang pumirma siya ng kontrata sa GMA Network nitong Marso, na nasundan agad ng hosting stint sa ikaanim na season ng reality-based artista search na “Starstruck.” Ayon kay Megan, “Lagi kong sinasabi talaga na ang pressure dito sa Marimar, katulad na rin ng pressure noong nag-compete ako sa Miss World. Siyempre, it's a big project also. Ibang level siya. For me, since this is my passion, my job, my life, it's important to me. So anything, kahit na sabihin mo pageant-wise or entertainment-wise, lahat 'yan may bigat para sa akin.” Dagdag pa ng beauty queen, gaya ng paghahandang ginawa niya para sa Miss World at mga paghahandang patuloy niyang ginagawa para sa mga programang kinabibilangan niya, nais niyang ibigay ang lahat sa anomang projects na tatanggapin niya sa hinaharap. Sa katunayan, si Megan raw mismo ang humihingi ng mga karagdagang workshop upang mas mapagbuti pa ang pagganap niya sa anomang role na ibibigay sa kaniya. “Ayoko na pumasok sa isang bagay na half-baked. Gusto ko laging 110 percent, laging 500 percent, laging 1000 percent. Lahat ng puwede naming preparation na gawin, I really ask a favor from the production na 'Puwede ba nating gawin 'to para mas maging maganda? Pupuwede ba tayong mag-swimming lessons, diving lessons?' Kasi gusto ko talaga mapaghandaan,” paliwanag niya.
Dagdag pa ng Kapuso star, “'Yung acting workshops, pinapadagdag ko talaga, kasi gusto ko talagang handang handa ako. Ayoko ma-disappoint ang production kasi pati sila hardworking eh. Ang dami nilang oras, ang dami nilang effort na binigay para sa project na ito. So kung sila, buong-buo ang ibinibigay, pati ako dapat ganun.
- See more at: http://www.gmanetwork.com/news/story/537760/showbiz/chikaminute/megan-young-says-pressure-from-marimar-same-as-miss-world-pageant#sthash.WJgowEjh.dpuf
đang được dịch, vui lòng đợi..